Швециялик мутахассис Свен-Йоран Эрикссон Филиппин терма жамоаси бош мураббийи қилиб тайинланди.Мутахассис мамлакат футбол федерацияси билан 6 ойлик шартнома имзолади. У терма жамоани Осиё Кубоги 2019га олиб боради. Шу пайтгача Филиппинни вақтинчалик бошқариб келган Скотт Купер унга ёрдамчилик қилади.
Эслатиб ўтамиз, Эрикссоннинг сўнгги иш жойи Хитой 1-лигаси вакили «Шеньжень» клуби бўлган эди.
Филиппин терма жамоаси Осиё Кубоги гуруҳ босқичида Қирғизистон, Жанубий Корея ва Хитой билан беллашади.