Алишер Саъдуллаев Ўзбекистон Ёшлар иттифоқи Марказий Кенгаши раиси Қаҳрамон Қуронбоевнинг биринчи ўринбосари этиб сайланди.Саъдуллаев шу кунга қадар халқ таълими вазири ўринбосари лавозимида фаолият юритаётган эди.
Эслатиб ўтамиз, 2017 йил 30 июнь куни Тошкент шаҳридаги Симпозиумлар саройида бўлиб ўтган “Камолот” ёшлар ижтимоий ҳаракатининг навбатдаги Қурултойи вақтида чиқиш қилган 23 ёшли Алишер Саъдуллаев халқ таълими вазирига ўринбосар этиб тайинланганди.
Алишер Саъдуллаев 1994 йилнинг 11 июлида Жиззах вилоятининг Жиззах туманида туғилган. Тошкент шаҳридаги Сингапур менежментни ривожлантириш институтини тамомлаган, кейинроқ Буюк Британияда таҳсил олган.