Америкалик машҳур рэп ижрочи, 50 cent тахаллуси остида ижод қилувчи Кертис Жексон россиялик жангчи Ҳабиб Нурмагомедовнинг Мутлақ жангчилар чемпионатидан (UFC) эҳтимолий кетиши ҳақида ўз фикрини билдирди.Мусиқачи UFC 229 мусобақасида Конор Макгрегор устидан қозонилган ғалабадан сўнг юз берган муштлашув сабабли россияликка гонорар тўламаётган UFC раҳбариятининг хатти-ҳаракатларини қоралаб чиқди. 50 cent сўзларига кўра, у Bellator’га ўтиши учун Ҳабибга пул тўлашга тайёр.
«UFC’нинг Ҳабибга нисбатан кўрсатаётган муносабати - нотўғри, чунки улар Конор билан ҳам худди шу ишни қилишмади. Агар Ҳабиб мен учун Bellator’да жанг қилса, бугуннинг ўзидаёқ 2 миллион доллар нақд пул тўлайман», - дея ёзган рэп ижрочи твиттерда.
I️ think it’s wrong what the UFC is doing to Khabib, they didn’t do the same thing to McGregor. I’ll pay 2 million cash tonight if he will fight for me at Bellator. pic.twitter.com/K7QYxR4IHI
— 50cent (@50cent) October 13, 2018