Эртага, 7 октябрь Тошкент вақти билан, тахминан, тонги 07:00 ларда (сабаби мазкур жанг оқшомида бир нечта беллашув бўлиб ўтади) UFC’нинг икки вазн тоифасидаги собиқ чемпиони Конор Макгрегор ва ташкилотнинг енгил вазн тоифасидаги чемпиони россиялик Ҳабиб Нурмагомедов UFC 229 мусобақасида ўзаро жанг қилади.Мазкур жангни Ўзбекистон телеканаллари трансляция қилмайди. Хўш, ушбу жангни қаерда томоша қилиш мумкин? «Оламспорт» йил жангини трансляция қиладиган телеканал ва сайтлар рўйхатини ҳавола этди.
1. Матч-ТВ
Россиянинг асосий спорт канали ушбу жангни жонли эфирда олиб беради. Каналнинг расмий сайтида ҳам трансялсияни кўриш мумкин.
2. 2+2
Жангни томоша қилиш учун иккинчи манба Украинанинг 2+2 телеканалидир. Ушбу каналда ҳам расмий сайт мавжуд.
3. Odnoklassniki.ru ижтимоий тармоғи
«Одноклассники» ижтимоий тармоғидаги Сила-ТВ саҳифаси ушбу жанг трансляциясини сотиб олган. Кўпроқ интертер трафик сотиб олиб, ушбу трансляцияни томоша қилишингиз мумкин.
4. TopFight.ru
TopFight.ru сайти ҳам ушбу жанг учун катта пул сарфлади. Ушбу сайтда ёзилишича, жанг шарловчиларсиз эфирга узатилади.
5. КазСпорт
Қозоғистоннинг КазСпорт телеканали ҳам жангни жонли трансляция қилади.