"Лос-Анджелес Гэлакси" клуби хужумчиси Златан Ибрагимович Хабиб Нурмагомедов Конор МакГрегор қарама-қаршилиги ҳақида ўз фикрини билдирди.- Ўйлашимча, Хабиб ғалаба қозонади. У октагонда рақибини қийнаб мақсадга эришишни яхши кўришининг гувоҳи бўлдим. Нурмагомедов сабрли инсон, шу қатори у хавфли жангчи.
Россиялик яна бир жангчи Фёдор Емельяненкони ҳам биламан. Емельяненко ҳам босиқ спорт устаси, аммо рингга кўтарилганда у ўз ишини ажойиб тарзда бажарарди, - дея Златаннинг сўзларидан иқтибос келтиради Mirror нашри.
Эслатиб ўтамиз, Нурмагомедов - МакГрегор баҳси 7 октябрь куни Тошкент вақти билан 07:00да бошланади.