«Замин»ни Telegram’да ўқинг! Join!
Zamin.uz
, 21 2020, 17:14
ЎЗO‘Z

Ўзбекистонда «буханка» нон нархи ноябрда яна ошиши мумкин

16 сен, 19:57 5 963 Жамият
«Замин»ни Telegram’да ўқинг!
Ўзбекистонда «буханка» нон нархи ноябрда яна ошиши мумкин Ўзбекистонда 15 сентябрдан қолипли нон - «буханка»нинг нархи кўтарилди. 2014 йил кузидан буён нархи 650 сўм бўлиб келган нон энди республика бўйлаб 650 сўмдан 1200 сўмгача бўлган нархларда сотилмоқда.

«Халқ сўзи Онлайн» нашри истеъмолдаги энг муҳим озиқ-овқат маҳсулоти нархининг кескин кўтарилиши бўйича саволларга жавоб олиш учун Тошкент шаҳри аҳолисига нон ва нон маҳсулотлари етказиб беришга қаратилган «Тошкентнон» ишлаб чиқарувчилар уюшмасига мурожаат қилган.

«Ҳозирги пайтда уюшмамиз томонидан кунига ўртача 500—550 тонна нон ва нон маҳсулотлари ишлаб чиқарилиб, аҳоли дастурхонига етказиб берилмоқда. Нон нархининг кўтарилиши эса, аввало, ишлаб чиқариш таннархига боғлиқ. Чунки шу кунга қадар биринчи навли уннинг 1 килограммини 930 сўмдан сотиб олардик. Шунинг ҳисобига битта қолипли нон ишлаб чиқариб, то у савдо дўконига етказиб берилгунига қадар таннархи 591 сўмга тўғри келарди. Айни пайтда бу кўрсаткич ўртача 1000 сўмни ташкил этмоқда. Сабаби, уннинг баҳоси ҳам кўтарилиб, 1 килограммини 1400 сўмдан харид қиляпмиз. Бу Вазирлар Маҳкамасининг 2018 йил 13 сентябрдаги 731-сонли қарори билан белгиланган бўлиб, нарх-наво жорий йилнинг ноябридан яна ошиши мумкин», — дейди «Тошкентнон» уюшмаси бош ҳисобчиси Руслан Мусретов.

Вазирлар Маҳкамасининг «Мамлакатимиз аҳолисини ва иқтисодиёт тармоқларини рақобат ва бозор механизмларини жорий этиш асосида дон, ун ва нон билан ишончли таъминлаш чора-тадбирлари тўғрисида»ги қарорига мувофиқ, 2018 йил 15 сентябрдан бошлаб 1 килограмм буғдой унининг улгуржи нархи 1400 сўм миқдорида белгиланган. Ушбу ҳужжатда мазкур нархни 1 ноябргача бекор қилиш ҳам кўзда тутилган. Негаки, эндиликда қолипли нон талаб ва таклиф асосида шакллантириладиган эркин бозор нархи бўйича сотилади.

Бу жараёнда аҳолининг ижтимоий ҳимоя қилиш, айниқса, ногирон, боқувчисини йўқотган, кам таъминланган оилаларнинг ун ва қолипли нон харид қилиш бўйича қўшимча харажатларини қоплаш учун энг кам ойлик иш ҳақининг 10 фоизи (15 сентябрь ҳолатига кўра — 18,4 минг сўм) миқдорида ҳар ойлик пул компенсацияси тўланади. Бу янгилик амалиётга шу йилнинг 1 октябридан жорий этилади.

Бундан ташқари, қарорда 14 ёшгача фарзандлари бўлган оилаларга болалар сонидан келиб чиққан ҳолда, фуқароларнинг ўзини ўзи бошқариш органлари томонидан белгиланган нафақа тўланиши ҳам ўз аксини топган. Энг асосийси, бозорда дон ва ун нархлари кескин ўзгаришининг олдини олиш бўйича аниқ вазифалар белгиланиб, зарурат туғилганда давлат захирасидан дон чиқарилиши боғлиқ чора-тадбирлари кўрилиши кўзда тутилган.

Айримлар нарх-навони жорий мавсумда ғалла ҳосили мўлжалдагидан кам бўлгани оқибати билан боғламоқда. Бу қанчалик ҳақиқатга яқин? Ушбу саволга жавоб олиш учун «Халқ сўзи Онлайн» мухбирлари «Ўздонмаҳсулот» акциядорлик компанияси мутасаддиларига мурожаат қилган.

«Бу каби гап-сўзлар асоссиз. Чунки компаниямиз тизимидаги корхоналарда ўтган йилдагидан кам бўлмаган миқдорда буғдой қабул қилинди. Улар сифатли сақланиб, пешма-пеш қайта ишланмоқда. Мамлакатимиз аҳолиси эҳтиёжига яраша буғдой жамғарилган. Ун етказиб беришда узилишлар рўй бермайди», дейди Дон ва уруғлик тайёрлаш ва сақлашни ташкил этиш бошқармаси мутахассиси Акром Исмоилов.

«Донни қайта ишловчилар, нон тайёрлаш корхоналари ишчилари билан суҳбатлашар эканмиз, улар уннинг нархи охирги марта 2014 йилда ошгани таъкидлашмоқда. Орадан тўрт йил ўтиб, битта нон баҳосининг бир литр газланган сув нархига яқинлашганини «нормал ҳолат» дея қабул қилишаётир. Яна улар амалиётга эркин бозор нархи қўлланилишини ишлаб чиқариш корхоналарнинг моддий-техника базасини мустаҳкамлаш, шунингдек, ишчи-хизматчиларнинг ижтимоий ҳимоясини кучайтириш борасидаги муҳим қадам, дея баҳолашяпти», — дейилади хабарда.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Бош прокуратура: «Буханка» нархи кескин ошишига 5та омил сабаб бўляпти 12 ноя, 21:08
  • Ўзбекистонда “буханка” нархи яна ошди 05 ноя, 10:19
  • Ўзбекистонда нон нархи ошади 12 окт, 10:30
  • Ўзбекистонда шакарнинг нархи билан боғлиқ ҳолат барқарор эканлиги маълум қилинди 12 окт, 07:08
  • Бозорларимиздаги нарх-наво: Гўшт нархи 28 000 сўмдан 41 000 сўмгача... 05 окт, 06:30
  • Нон нархи ошди. Буни мутасаддилар қандай изоҳлайди? 16 сен, 06:31
  • Сўнгги янгиликлар
  • Шавкат Мирзиёев: «Ўктамжон забардаст, фидойи, ватанпарвар инсон эди...» 21 сен, 17:00 0
  • Қирғизистоннинг Ўш вилоятида оммавий муштлашув содир бўлди 21 сен, 16:30 0
  • Ўзбекистон фуқаролигини олиш онлайн-режимга ўтказилади 21 сен, 16:00 1
  • Байден адашиб 200 миллион кишини «кўмиб юборди» 21 сен, 15:30 221
  • Вакцина кимларга мумкинмас? 21 сен, 15:00 301
  • Драган Черан "Шабаб Ал Аҳли"га қарши ўйин ҳақида: Биз икки очко йўқотдик 21 сен, 14:30 155
  • Ўзбекистонда долларнинг расмий курси 10 минг 300 сўмдан ошди 21 сен, 14:00 143
  • 22 сентябрь куни Ўзбекистонда кутилаётган об-ҳаво маълумоти 21 сен, 13:20 459
  • Трампга заҳарли модда жўнатишда гумон қилинган шахс қўлга олинди 21 сен, 12:38 507
  • АҚШ Европадан ядро қуролини олиб чиқишдан бош тортди 21 сен, 12:05 424
  • Британияда карантинни бузганлик учун 10 минг фунт стерлинггача жарима белгиланди 21 сен, 11:30 185
  • Тошкентдаги «Ёшлик» аренасида ташкил этилган 520 койкали Саралаш маркази беморлар билан батамом тўлди 21 сен, 10:48 382
  • Бўлимлар