Россия Федерацияси президенти Владимир Путин яқин орада Озарбойжон, Тожикистон ва Ўзбекистонга сафар қилади. Бу ҳақда президентнинг халқаро ишлар бўйича ёрдамчиси Юрий Ушаков “Известия” нашрига маълум қилган.Россия президенти сентябрь ойи охирида Озарбойжонга боради, 27-28 кунлари эса Тожикистон пойтахтида бўлиб ўтадиган МДҲга аъзо давлатлар раҳбарларининг саммитида қатнашади. “Известия” хабарида айтилишича, Путиннинг Ўзбекистонга сафари октябрь ойига режалаштирилган.
Эслатиб ўтамиз, Шавкат Мирзиёев ва Владимир Путиннинг охирги учрашуви жорий йилнинг июнида ШҲТ саммити доирасида бўлиб ўтган. Ўшанда Россия президенти кузда Ўзбекистонга боришини айтган эди.