“Фаровонлик” (“Farovonlik”) пул-буюм ютуқли, тиражли лотереясини ташкил этган “Агробанк” акциядорлик тижорат банки одатий тартибда ишламоқда.
Эслатиб ўтамиз, “Фаровонлик” лотереясининг ютуқлар тиражи ўйналадиган дастлабки кун – 26 декабрда банк сайти
ишламай қолганди. Хабар беришларича, лотерея тиражи 27 декабрь ҳам ўйналмоқда.
Лотерея иштирокчилари ўз чипталарига ютуқ чиққан-чиқмаганлигини банк сайтидаги
махсус саҳифада чипта рақами, разряди ва сериясини кўрсатган ҳолда текшириб олишлари мумкин.
Шунингдек, ютуқлар тиражининг расмий жадвали “Қишлоқ ҳаёти”, “Халқ сўзи” ва “Правда Востока” газеталарида ҳам эълон қилинади.
Маълумот учун, “Фаровонлик” лотереяси совринлар қаторидан 10 донадан Malibu, Captiva ҳамда Cobalt русумли — жами 30та автомобиль, бешта ТТЗ-80-10 транспорт трактори ва бешта ТТЗ-80-11 чопиқ трактори, 700 дона Roison телевизори, 1025та Panda телевизори (Foton ОАЖ), 625тадан Roison газ плитаси, музлаткичи ва кондиционери, 625та Candy кир ювиш машинаси ўрин олган.
Шунингдек, ҳар бирида 1 миллион сўмдан зиёд пул мукофоти қўйилган 1 миллион 118 мингта лотерея чиптаси ҳам ўйналади.
Манба:
Kun.uz