Pepsi Суперлигаси 22-туридан ўрин олган АГМК - "Металлург" (2:3) учрашувидан сўнг ўтказилган матбуот анжуманида олмалиқликлар устози Бахтиёр Ашурматов ўйин борасида ўз фикрларини билдирди."Бугунги учрашув принципиал аҳамиятга эга эди. Афсуски, ўйлаган режаларимиз бугун иш бермади. Балким ўйинчилар алмаштиришда хато қилдим назаримда. Қолаверса, ҳужумчиларимиз тўпни ўзларида сақлаб туришда ҳам бироз суст ҳаракат қилишди. Қайд этилган натижадаги айбни ўз зиммамга оламан", - деб Ашурматовнинг сўзларини келтириб ўтди ПФЛ матбуот хизмати.