«Замин»ни Telegram’да ўқинг! Join!
Zamin.uz
, 29 2020, 02:00
ЎЗO‘Z

Сенат тўйларни тартибга солиш бўйича қарор қабул қилди

14 авг, 15:15 3 864 Жамият
«Замин»ни Telegram’да ўқинг!
Сенат тўйларни тартибга солиш бўйича қарор қабул қилди 13 август куни Ўзбекистон Республикаси Олий Мажлиси Сенати Кенгашининг мажлисида тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш масалалари муҳокама қилинди. Бу ҳақда Сенат Ахборот хизмати хабар берди.

Мажлисни Ўзбекистон Республикаси Олий Мажлиси Сенати Раиси Ниғматулла Йўлдошев олиб борган.

Маълумки, Ўзбекистон Республикаси Олий Мажлиси Сенатининг 2018 йил 30 мартдаги тегишли Қарори асосида Республика ишчи гуруҳи томонидан оилавий тадбирларни тартибга солиш юзасидан кенг жамоатчилик фикри ўрганилди.

Жамоатчилик фикрини ўрганиш натижаларига кўра, Ўзбекистон Республикаси Олий Мажлиси Сенатининг 2018 йил 29 июнда «Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш тўғрисида»ги Қарори қабул қилинди.

Бошқа вазифалар билан бирга мазкур қарорда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан жойларда оилавий тадбирларни миллий ва диний қадриятларимизга мос ҳолда, ортиқча дабдаба ва исрофгарчиликсиз ўтказиш юзасидан доимий мониторинг юритиш тизимини йўлга қўйиш, мониторинг натижалари асосида тегишли ҳудуднинг ўзига хос хусусиятлари, урф-одатлари ҳамда мавжуд шароитларидан келиб чиқиб, оилавий тадбирларни намунали ўтказиш билан боғлиқ масалаларни халқ депутатлари маҳаллий Кенгашларида муҳокама қилиб бориш назарда тутилган.

Қарорда белгиланган вазифаларнинг самарали ижро этилишини таъминлаш мақсадида Сенат Кенгашининг мажлисида «Халқ депутатлари вилоят, туман, шаҳар Кенгашларида Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш масалалари бўйича комиссиялар тузиш тўғрисида»ги Қарор қабул қилинди.

Қарор билан комиссияларнинг намунавий низоми ва уларнинг намунавий таркиби ҳам тасдиқланди.

Унга кўра, маҳалла фуқаролар йиғинлари билан биргаликда намунали оилавий тадбирлар ўтказилишини ташкил этиш, оилавий тадбирларни ўтказиш вақтида миллий қадриятларга зид бўлган маросимларга, номақбул одатларга ва уларнинг салбий оқибатларига йўл қўймаслик юзасидан тарғибот ишлари олиб бориш, урф-одатларни менсимаслик, исрофгарчилик ҳолатларини жамоатчилик муҳокамасига қўйиш каби масалалар комиссияларнинг асосий вазифалари этиб белгиланди.

Бундан ташқари, Қарорда мамлакатимиздаги барча фуқаролар йиғинлари ҳузурида оилавий тадбирлар ўтказилишини тартибга солиш масалалари бўйича комиссиялар тузиш белгиланди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Шавкат Мирзиёев сенаторлардан тўйлар масаласига алоҳида эътибор қаратишни сўради 20 янв, 18:13
  • 2020 йил 1 январдан Ўзбекистонда тўйлар янги тартиблар бўйича ўтказилади 21 сен, 10:02
  • Сенат: Тўй-ҳашамлар қисқартирилади ва тартибга солинади 15 сен, 08:50
  • Тўйларда 2 нафардан ортиқ хонанда ёки гуруҳнинг хизмат кўрсатишига йўл қўйилмайди 14 сен, 15:25
  • Сенатда тўй-ҳашамлар ўтказилишини тартибга солиш масалалари муҳокама этилди 25 апр, 16:05
  • Сенаторлар тўй-ҳашамларни тартибга солувчи қарорни қабул қилишди 31 мар, 11:10
  • Сўнгги янгиликлар
  • Ўзбекистонда коронавирусдан зарарланиш ҳолатлари сони 3444тага етди 29 мая, 00:19 158
  • Намоздан кейин қўл кўтариб дуо қилиш керакми? 29 мая, 00:03 229
  • Девор ғиштлари гиёҳвандлик воситаларини беркитолмади 28 мая, 23:40 159
  • Хонадонда 836 туп оғу парваришлаган шахс қўлга олинди 28 мая, 23:23 155
  • «Бугун, мен учун энг азиз бўлган инсонлар ҳаётида муҳим сана» – Шаҳноза Мирзиёева 28 мая, 23:11 576
  • «Лаб бўёғи индекси»: коронавирус аёллар модасида бурилиш ясаяпти... 28 мая, 23:05 303
  • Юлдуз Усмонова ташкиллаштирган хайрияда йиғилган 527 миллион сўм Сардоба фалокати жабрдийдаларига тарқатилди 28 мая, 22:47 327
  • Россия фойдасига жосуслик қилганликда айбланган ўзбекистонлик сиёсатшунос Рафик Сайфулин 12 йилга озодликдан маҳрум қилинди 28 мая, 22:30 501
  • Фарғонада «Ҳизб ут-Таҳрир» террорчилик ташкилотининг бир гуруҳ аъзолари қўлга олинди 28 мая, 22:10 689
  • Оҳак цехидаги ўғрилик 28 мая, 22:03 266
  • Карантинда 30,5 млн сўм алимент ундириб берилди 28 мая, 21:37 192
  • ОТМда янги фан жорий этилади 28 мая, 21:14 669
  • Бўлимлар