Шу кунларда Россияда бўлиб ўтаётган IV Халқаро армия ўйинлари(АрМИ) ўзининг қизғин палласига кирди. Мазкур нуфузли мусобақанинг Новосибирск вилоятида ташкил этилган “Қўшин разведкаси аълочилари” танловида Ўзбекистон жамоаси тўсиқларни мисли кўрилмаган тезликда - 37 дақиқа 30 сония ичида босиб ўтиб, хитойликларни беш дақиқага ортда қолдирди.
АрМИ бош ҳаками генерал-майор Владимир Марусиннинг қайд этишича, бу иштирокчи мамлакатлар орасида айни пайтдаги энг яхши кўрсаткич ҳисобланади.
Эслатиб ўтамиз, 2017 йилда ўзбекистонлик ҳарбийлар АрМИ доирасида ўтказилган мазкур танловда учинчи ўринни эгаллашганди.