Ғарб ОАВнинг маълум қилишича, Шимолий Кореяда мамлакат раҳбари Ким Чен Ин буйруғи билан генерал-лейтенант Хён Чу Сон қатл этилди.Daily Mail нашри маълумотларига кўра, юқори лавозимдаги ҳарбий Пхеньяндаги ҳарбий академия ҳудудида отиб ўлдирилган. У “ваколатларини суиистеъмол қилиш”, “душманга кўмак кўрсатиш” ва “партияга қарши фаолият юритиш” моддалари бўйича айбдор деб топилган.
Генералнинг қатл этилишига эса Сохэ ракетодромидаги ўз қўшинлари ва уларнинг оилаларига қўшимча паёк бергани сабаб бўлган. Таъкидланишича, ҳарбийларга қўшимча бир тонна ёқилғи, 580 кг гуруч ва 750 кг макка улашилган. Нашрнинг таъкидлашича, генералнинг бу иши Ким Чен Иннинг ғазабини келтирган.