Қирғизистоннинг собиқ президенти ва мамлакатдаги социал-демократик партия раҳбари Алмазбек Атамбаев «Ата-Бейит» мемориал-мажмуасига ташриф буюрди. Бу ҳақда Sputnik хабар бермоқда.Сиёсатчи Чуй вилоятининг Арашан қишлоғидаги масжидда ҳайит намозида қатнашди. Намоздан сўнг қишлоқдошлари билан мулоқотда бўлди ва «Ата-Бейит» ёдгорлик мажмуасига йўл олди. Бу ерда 2010 йилги апрель инқилобида ҳалок бўлганлар ҳақига дуо ўқилди.
Фотосуратларда Алмазбек Атамбаев ўйчан ҳолда акс эттирилган. Унинг сочлари ҳаддан оқариб кетганлиги ҳам кўзга ташланмоқда.