Россиянинг Санкт-Петербург шаҳридаги "Зимний" стадионида бокс бу́йича "Губернатор кубоги" мусобақасида барча финалчилар номи аниқ бўлди.Бу нуфузли мусобақада Россия, Беларусия, Куба, Украина, Болгария, Арманистон, Молдова, Руминия, Қозоғистон, Қирғизистон, Ўзбекистон ва бошқа давлатлардан келган энг кучли боксчилар иштирок этишмокда.
Ҳамюртларимиздан Рио Олимпиадаси чемпионлари Ҳасанбой Дўсматов россиялик Умед Бобоженовни, Шаҳобиддин Зоиров қирғизистонлик Сирожиддин Абдуллаевни, Миразиз Мирзаҳалилов россиялик Бахтовар Назировни, Шунқор Абдурасулов қозоғистонлик Адлет Курметовни, Исроил Мадримов беларуслик Виталий Бондаренкони, Бектемир Мелиқўзиев россиялик Андрей Косенковни, энг оғир вазндаги Баҳодир Жалолов эса яна бир мезбон боксчиси Илья Квасниковни мағлубиятга учратди.
Жасурбек Латипов қозоғистонлик Азат Махметовга, Иқболжон Холдоров россиялик Павел Фёдоровга, Санжар Турсунов эса яна бир рус боксчиси Муслим Гаджимагомедовга имкониятни бой бериб, халқаро турнирнинг бронза медали билан тақдирланишди.
Мазкур мусобақада терма жамоамиз аъзоларидан 7 нафари финалга чиқди. Қуйида 31 май куни бўлиб ўтадиган финал баҳсида рингга кўтариладиган спортчилар билан танишасиз.
-49 кг: Ҳасанбой Дўсматов - Батор Сагалуев (Россия)
-52 кг: Жасурбек Латипов - бронза медал
-56 кг: Шаҳобиддин Зоиров - Миразиз Мирзаҳалилов
-60 кг: Шунқор Абдурасулов - Алберт Батыргазиев (Россия)
-64 кг: Иқболжон Холдоров - бронза медал
-75 кг: Исроил Мадримов - Глеб Бакши (Россия)
-81 кг: Бектемир Мелиқўзиев - Георгий Кушиташвили (Россия)
-91 кг: Санжар Турсунов - бронза медали
+91кг: Баҳодир Жалолов - Владислав Муравин (Россия)