Bloomberg нашри маълумотларига кўра, 2018 йилнинг 4 май куни Apple акциялари нархи Уоррен Баффет тузилмалари томонидан компаниянинг яна 75 млн акциялари сотиб олингач тарихий максимумга етди.Nasdaq биржасида Apple акцияси $183,49 турган – бу савдолар очилишидагидан 3,7%га кўпроқ. Натижада компаниянинг бозордаги қиймати $931 млрд.га етди.
Аввалроқ Apple ҳисоботини эълон қилганди. Унга кўра, унинг акциялари нархи йил бошидан бери 8%га ўсди. Агентлик тахминига кўра, Баффет келишувга 14 млрд доллар сарфлаган.
Келишув натижасида Баффетнинг компанияси Apple’нинг катталик бўйича учинчи сармоядорига айланди.
Манба: Kun.uz