Британиялик актёр Роуэн Аткинсон бош ролни ижро этган “Агент Жонни Инглиш – 3” фильми трейлери намойиш қилинди. Бу ҳақида daily.afisha.ru сайти хабар берди.Кинодан намойиш этилган парчада Буюк Британия разведкаси танлаб олган агент Жонни Инглишнинг дунё миқёсида хакерларга қарши кураш олиб бориши тасвирланган.
Фильм комедия жанрида бўлиб, жорий йилнинг 20 сентябридан катта экранларга чиқиши айтилмоқда.
Маълумот ўрнида, Роуэн Аткинсон иштирокидаги “Агент Жонни Инглиш” фильмининг биринчи 2003 йилда, иккинчи фильми эса 2011 йилда намойиш этилганди..