Туркия ташқи ишлар вазирлиги мамлакатдаги АҚШ, Франция, Хитой ва Буюк Британия элчиларини Россиянинг уриб туширилган Су-24 самолёти билан боғлиқ ҳолатни муҳокама қилиш учун чақирди. Бу ҳақда Reuters маълумотига асосланиб, «Газета.ru» хабар бермоқда.
Бу маълумот Туркия ҳукуматининг расмий вакили томонидан келтирилган.
Эслатиб ўтамиз, 24 ноябрь куни тонгда Туркия—Сурия чегарасида Суриядаги ҳарбий операцияда иштирок этаётган Россиянинг Су-24 самолёти уриб туширилди. Туркиянинг таъкидлашича, самолёт мамлакат ҳаво кенгликларини бузиб ўтган.
Россия Мудофаа вазирлигининг қайд этишича, Россия самолёти Туркия ҳудудига кирмаган.
Манба: Daryo.uz