«Facebook» ижтимоий тармоғида «BFF» ҳарфлари ёрдами ўз аккаунтингиз хавфсизлигини текшириш мумкинлиги борасида хабарлар тарқалди. Аслида ҳам бунинг фойдаси борми?Фойдаланувчиларнинг сўзларига қараганда, агарда «BFF» ҳарфларини ёзсангиз ва у изоҳда яшил рангга кирса, демак, сизнинг аккаунтингиз ҳимояланган, аск ҳолда — паролни алмаштириш керак.
Шу кунларда «Facebook» ижтимоий тармоғи атрофида можаролар авж олган. Трампнинг сайловолди кампаниясига ишлаган «Cambridge Analytica» компанияси «Facebook»даги 50 миллиондан ортиқ фойдаланувчининг шахсий маълумотларидан уларнинг рухсатисиз фойдалангани айтилмоқда.
Аслини олганда «BFF» — бу «Facebook Text Delight» сервисининг аббервиатураси бўлиб, сиз уни ёзиш ва «Enter»ни босиш орқали суҳбатдошингизга «беш ташлаган» бўласиз. «BFF»нинг кенгайтмаси «Best friends forever» (бутун умрга энг яхши дўстлар) демакдир.
Бу «Text Delight» нинг ягона буйруғи эмас, масалан, «best wishes» сўзини ёзиш орқали қизил ранг билан бирга эффектни ҳосил қилиш мумкин.
Шундай экан, «BFF» аккаунтингиз хавфсизлигига ҳеч қандай алоқаси йўқ.
Манба: Xabar.uz