«Замин»ни Telegram’да ўқинг! Join!
Zamin.uz
, 29 2024, 02:13
ЎЗO‘Z

Коррупциянинг олдини олишда қандай чоралар самара беради?

18 мар, 14:14 5 537 Жамият
«Замин»ни Telegram’да ўқинг!
Коррупциянинг олдини олишда қандай чоралар самара беради? Ўзбекистон Республикаси Олий Мажлиси Сенатининг Қонунчилик ва суд-ҳуқуқ масалалари қўмитаси ҳамда Ўзбекистон Республикаси Адлия вазирлиги билан ҳамкорликда “Коррупциянинг олдини олиш бўйича чоралар самарадорлигини ошириш йўллари” мавзусида конференция ўтказилди. Бу ҳақда Ўзбекистон Республикаси Олий Мажлиси Сенатининг ахборот хизмати хабар бермоқда.

Унда Сенат аъзолари, Конституциявий суд, Судьялар олий кенгаши, Олий суд, Бош прокуратура, Ички ишлар вазирлиги академияси, Юристлар малакасини ошириш маркази, тегишли идора ва муассасалар раҳбарлари, олимлар ҳамда оммавий ахборот воситалари вакиллари қатнашди.

Конференцияда “Коррупцияга қарши курашиш тўғрисида”ги Ўзбекистон Республикаси Қонунининг мазмун-моҳиятини тарғиб қилиш билан бир қаторда, унинг самарали ижросини таъминлашга қаратилган вазифалар муҳокама марказида бўлди. Хусусан, Ўзбекистон Республикаси Президентининг 2017 йил 2 февралдаги “Коррупцияга қарши курашиш тўғрисида”ги Ўзбекистон Республикаси Қонунининг қоидаларини амалга ошириш чора-тадбирлари тўғрисида”ги Қарори жамият ва давлат ҳаётининг барча соҳаларида коррупциянинг олдини олишга доир тадбирларни ўз вақтида, сифатли амалга оширишнинг аҳамияти ҳақида сўз юритилди.

Таъкидланганидек, 2017-2018 йилларга мўлжалланган Коррупцияга қарши курашиш тўғрисидаги Давлат дастурининг ижросини таъминлаш мақсадида “Ҳуқуқий ахборотни тарқатиш ва ундан фойдаланишни таъминлаш тўғрисида”ги, “Жабрланувчилар, гувоҳлар ва жиноят процессининг бошқа иштирокчиларини ҳимоя қилиш тўғрисида”ги ҳамда “Маъмурий тартиб-таомиллар тўғрисида”ги қонунларнинг қабул қилиниши коррупцияга қарши курашиш ва унинг олдини олиш жараёнини тезлаштиришда муҳим ҳуқуқий асос вазифасини ўтамоқда.

Анжуман иштирокчилари қайд этганидек, мазкур жараённи янада жадаллаштириш, кўзланган самарага эришиш учун ҳали қилиниши лозим бўлган ишлар ҳам оз эмас. Жумладан, бу борада “Давлат хизмати тўғрисида”ги, “Давлат ва хусусий шериклик тўғрисида”ги, “Давлат харидлари тўғрисида”ги, “Жамоатчилик назорати тўғрисида”ги қонунларни амалиётга жорий қилиш муҳим аҳамият касб этади. Бинобарин, жамиятимизда коррупциянинг олдини олиш ва унга чек қўйиш учун бугун қабул қилинаётган қонунлар ҳамда қонуности ҳужжатларнинг сифатини ошириш, коррупцияга оид ҳуқуқбузарликларни ўз вақтида аниқлаш, оқибатларини бартараф этиш, юзага келишига шароит яратувчи омилларни ўрганиш асносида унга қарши курашишнинг аниқ чора ва механизмларини қўллаш давр талабига айланмоқда.

Конференцияда коррупциянинг олдини олиш бўйича чоралар самарадорлигини ошириш ҳамда коррупцияга қарши курашишда давлат ва жамоат ташкилотларининг ўрни, бунда иқтисодий, маънавий-маърифий чораларнинг аҳамияти ҳақида маърузалар тингланди.

Тегишли вазирлик ва мутасадди идораларнинг коррупцияга қарши курашиш борасидаги масъулиятини кучайтириш, ишлаб чиқилаётган норматив-ҳуқуқий ҳужжатларни янада такомиллаштириш, давлат органлари томонидан кўрсатилаётган хизматларнинг шаффофлиги ва самарадорлигини ошириш, жамиятда коррупцияга нисбатан муросасиз муносабатни шакллантиришда интернет ва ижтимоий тармоқлар имкониятларидан кенг фойдаланишга доир амалий таклиф ва тавсиялар илгари сурилди.

Конференцияда муҳокама этилган масалалар якуни бўйича тегишли тавсиялар қабул қилинди.




Мавзуга оид янгиликлар
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 46
  • Қашқадарё вилоятида судья қўлга олинди 28 мар, 20:20 135
  • Жиззахда энергия ресурсларидан 7,5 миллиард қарздорликлар мажбурий ундирилди 28 мар, 19:31 34
  • Сурхондарёда ЙТҲда ҳайдовчи аёл ва унинг фарзандлари ҳалок бўлди 28 мар, 19:08 219
  • Коррупция даражаси ёмон ва яхши бўлган ташкилотлар эълон қилинди 28 мар, 18:23 88
  • Тошкентда қалбаки долларни сотишга уринган шахслар қўлга олинди 28 мар, 17:17 34
  • Сўнгги янгиликлар
  • «Крокус»даги теракт иши бўйича яна бир киши ушланди 29 мар, 00:30 50
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 58
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 48
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 36
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 33
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 28
  • Суперлига. “Динамо” “Металлург” устидан иродали ғалабага эришди 28 мар, 22:51 35
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 33
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 165
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 274
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 23
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 46
  • Бўлимлар