ОЧЛ-2018 гуруҳ босқичининг 3-турида «Локомотив» сафарда Қатарнинг «Ад-Дуҳайл» клуби меҳмони бўлди.Биринчи бўлимда Ўзбекистон чемпионини таниб бўлмади. «Локомотив» 25 дақиқа ичида 3 та (!) тўп ўтказиб юборди. Эл-Арабий (икки марта) ва Мсакний ҳимоячиларнинг қўпол хатоларидан фойдаланиб, тошкентликлар дарвозасини осонликча ишғол этишди.
Иккинчи бўлимда «Локомотив» бироз жонланди. 57-дақиқада Нивалдо ва 59-дақиқада Бикмаевнинг голлари эвазига ҳисобдаги фарқ биттага қисқарди. Шундан сўнг, «темирйўлчилар» лоақал 1 очко олиш мақсадида кўплаб ҳужумларни уюштиришди. Бироқ, уларнинг ҳеч бири ўз самарасини бермади.
Гуруҳнинг яна бир ўйинида Эроннинг «Зоб Оҳан» клуби «Ал-Ваҳда»ни 2:0 ҳисобида енгди.
Натижада, 3-тур ўйинларидан сўнг, «Локомотив» гуруҳда 3 очко билан 3-ўринга тушиб кетди. «Ад-Дуҳайл» ҳисобида 9, «Зоб Оҳан» ҳисобида 6 очко бор. «Ал-Ваҳда» бирорта очко тўпламаган.
ОЧЛ-2018. Гуруҳ босқичи, 3-тур
6 март. Доҳа. «Абдуллоҳ бин Ҳалифа» стадиони
Ад-Дуҳаил (Қатар) – Локомотив (Ўзбекистон) - 3:2
Голлар: Юсуф Эл Араби (9, 19), Юсуф Мсакни (24) - Нивалдо (58), Марат Бикмаев (59)
Ад-Дуҳаил: 40.Амин Лекомт, 22.Мурод Нажи, 4.Лукас Мендес, 18.Султон Ал Браке, 2.Муҳаммад Муса, 28.Юсуф Мсакни, 10.Нам Тэ Хи, 8.Луиз Жуниор, 12.Карим Будиаф (15.Б. Алрави, 72), 19.Алмуаз Али (7.Исмоил Муҳаммад, 69), 9.Юсуф Эл Араби
Локомотив: 1.Игнатий Нестеров, 22.Санжар Шоаҳмедов, 33.Олег Зотеев, 28.Шуҳрат Муҳаммадиев, 20.Ислом Тўхтахўжаев, 7.Садриддин Абдуллаев (77.Диёр Туропов, 57), 27.Сардор Рашидов (19.Ҳусниддин Ғофуров, 80), 15.Сардор Мирзаев (6.Нивалдо, 56), 5.Кахи Махарадзе, 9.Икром Алибоев, 10.Марат Бикмаев
Огоҳлантиришлар: Султон Ал Браке 12, Марат Бикмаев 41, Диёр Туропов 89.