+91 кг вазн тоифасида рингга кўтариладиган боксчи, Uzbek Tigers жамоаси аъзоси Баҳодир Жалолов фаолиятини профессионал боксда давом эттиради. Бу ҳақда спортчининг ўзи Instagram‘даги шахсий саҳифасида маълум қилган.Жалоловнинг ёзишича, у Нью-Йоркдаги Fight Promotions промоутерлик компанияси билан шартнома имзолаган. Дастлабки жангини эса жорийнинг йилнинг апрель ойида ўтказишни режалаштирмоқда.
Эслатиб ўтамиз, олдинроқ, ўзбекистонлик бошқа бир боксчи Элнур Абдураимов ҳам айнан Fight Promotions промоутерлик компанияси билан шартнома имзолаганини маълум қилганди. Ўшанда Элнур тез орада Баҳодир Жалолов ҳам шу клубга қўшилиши кутилаётганини билдирганди.