«Замин»ни Telegram’да ўқинг! Join!
Zamin.uz
, 29 2024, 03:02
ЎЗO‘Z

Яхшиликка яхшиликми ёки ёмонлик?

21 фев, 10:00 6 362 Ҳаёт тарзи
«Замин»ни Telegram’да ўқинг!
Яхшиликка яхшиликми ёки ёмонлик? — Яқинда онамнинг узоқроқ қариндошлари уйимизга меҳмон бўлиб келишди. Тўрт-беш кун бизникида туриб, шаҳардаги тажрибали шифокорларга кўринишди, тиббий текширувлардан ўтгач, қайтадиган бўлишди. Кутилмаганда кечки пайт эр-хотиннинг алланималар устида тортишаётгани қулоғимизга чалинди. Ноқулай бўлса-да, улар ўтирган хонанинг эшигини тақиллатиб, ичкарига кирдим. Аммо гап нимадалигини эшитиб, қотиб қолдим. Уларнинг айтишича, сумкаларидан пул йўқолганмиш. Эри: «Бирор жойга ишлатгандирсан, эслаб кўр», дея хотинини тинчлантирмасин, у, аксинча: «Менинг эсим жойида, пул мана шу ерда турганди. Роппа-роса 500 минг сўм. Пулни атай уйда қолдиргандим. Касалхонадаги ишларимиз битгач, шу пулга шаҳардан бозорлик қилиб қайтмоқчи эдим», деди яна тутақиб.

Аёл шунчалар беандишалик қилаётгандики, оғиз очишимга-да, илож йўқ эди. Хуллас, ўзимни зўрға босдим ва уйимдаги бор пулим — 500 минг сўмни чиқариб, унга узатдим-да, «Мана, олинг, 500 минг сўм. Энди дарҳол чиқиб кетинг», дедим. Эри хижолат бўлиб: «Қўяверинг, ака, хотин зотини биласиз-ку. Қаергадир ишлатганми, фақат эсидан чиқарган. Сиз ўзингизга олманг, узр», деди. Хотини эса тўнғиллай-тўнғиллай, нарсаларини йиғиштира бошлади. Пулни стол устига қўйиб, хонадан чиқиб кетдим. Тўғрисини айтсам, дилим жуда оғриди. Мен уларга уйимдан жой берсам-у, улар раҳмат, дейиш ўрнига туҳмат қилса?!

Эрталаб туриб қарасам, улар йўқ. Кечаси кетдими, кундузими, билмайман. Стол устидаги пулни ҳам олиб кетишибди…

Анча вақтгача бу воқеадан сиқилиб юрдим. Кейинчалик ҳаёт ташвишлари билан ўша воқеани унутгандек бўлдим. Бироқ бир куни кечки пайт бегона киракаш уйимизга келиб: «Сизга омонатингизни олиб келдим», дея бир пакет ташлаб кетди. Очиб қарасам, ўша ўзим берган 500 минг сўм пул ва бир энлик қоғоз. Хатда: «Агар кечиролсангиз, хотинимни кечиринг. У пулни бошқа сумкага солган экан. Уйга келгач, топилди. Ўзи олиб бориб, узр сўрамоқчи эди. Минг афсуски, кеча ундан айрилиб қолдик. Уни кечиринг ва рози бўлинг», деб ёзилган эди.

Хатни ўқиб, елкамдан оғир юк олиб ташлангандек бўлди, аммо ўша кунги воқеани юрагимдан чиқариб ташлолмадим. Энг ёмони, бировга яхшилик қилишдан, айниқса, кимнидир уйга киритишдан қўрқиб қолдим.
Манба: Hordiq.uz




Мавзуга оид янгиликлар
  • Оқ нондан воз кечганда организмда қандай ўзгаришлар юз беради? 22 мар, 15:13 314
  • Фарзандлар учун ота ва оналарга муносабат ҳақида 20 мар, 00:12 210
  • Узоқ умр кўрувчи инсонларнинг 5 та одати 19 мар, 16:40 476
  • Хурмонинг қандай фойдали хусусиятлари мавжуд? 18 мар, 22:30 321
  • Олимлар хотирани кучайтирувчи оддий машғулотни аниқладилар 16 мар, 23:43 350
  • Нечанчи фарзанд бўлиб туғилиш инсон шахсиятига таъсир қиладими? 16 мар, 16:50 430
  • Сўнгги янгиликлар
  • «Крокус»даги теракт иши бўйича яна бир киши ушланди 29 мар, 00:30 50
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 58
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 48
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 36
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 33
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 28
  • Суперлига. “Динамо” “Металлург” устидан иродали ғалабага эришди 28 мар, 22:51 35
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 33
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 165
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 274
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 23
  • Мирзиёев Хитойнинг Шинжон-Уйғур автоном райони халқ ҳукумати раиси билан учрашди 28 мар, 20:40 46
  • Бўлимлар