АҚШ ИШИДга қарши курашиш тактикасини ўзгартиради ва унинг нефть инфратузилмасини йўқ қилади. Бу ҳақда «Газета.ru» Пентагон раҳбари Эштон Картернинг маълумотига таяниб хабар беради.
«Ўзимизнинг иштирокимиз қоидаларини ўзгартиришга тайёрмиз. Биз бензин ташувчи автомобиллар билан бўлган ҳолат каби тактикани ўзгартирдик», — дейди Картер.
Унинг сўзларига кўра, тинч аҳолининг нефть соҳаси билан машғул бўлганлиги сабабли АҚШ бу каби объектларга ҳужум қилишдан сақланиб келган. Бироқ Париждаги терактлардан сўнг, АҚШ ўзининг қарорини ўзгартиришга қарор қилди. Чунки террорчилар даромадининг асосий қисмини айнан ушбу соҳадан келаётган маблағлар ташкил этади.