Индонезия ўлим жазоси ҳақидаги ҳукмларнинг ижросини таъминлаш юзасидан мораторий жорий этади. Бу ҳақда «РИА Новости» сиёсат, адлия ва мамлакат хавфсизлиги масалаларини мувофиқлаштирувчи вазир Луҳут Панжаитан маълумотига таяниб хабар беради.
Ушбу қарорнинг қачондан кучга кириши маълум қилинмади.
«Ҳукумат ўз эътиборини биринчи навбатда Индонезия иқтисодиётидаги ишларга қаратиши лозим», — дейди вазир.
Индонезия президенти Жоко Видодо энди ўлим жазоси ҳақидаги янги қарорларга санкция бермайди, деб тушунтириш беради Панжаитан.