Россиялик-ку жангчи, аралаш яккакураш мусобақалари юлдузларидан бири Ҳабиб Нурмагомедов «Реал» ва Португалия терма жамоаси ҳужумчиси Криштиану Роналду билан совғалар алмашди. Бу икки спортчининг учрашувини Нурмагомедов ўзининг Instagram‘даги саҳифасига жойлаштирди.«Совғалар алмашдик. Албатта ким-кимга совға бериши мумкинлигини сиз яхши тушундингиз», — деб ёзган у.
Роналду Нурмагомедовнинг саҳифасига жойлаштирилган видеода «Ассалому алейкум» дея сўзини бошлаган. У россиялик спортчига тўп ва ўзининг футболкасини совға қилган бўлса, Ҳабиб унга кавказ миллий бош кийими папаха совға қилган.
«Бу футболкада Роналду бугун хет-трик қайд этди, бу совға менинг коллекциямда энг муҳим жой эгаллайди», — деб ёзган Нурмагомедов бошқа бир фотодаги расмга.
Россиялик спортчи «Реал» ҳужумчиси билан Испания чемпионатининг «Реал Сосьедад»га қарши учрашувидан сўнг (5:2) кўришган.
[media=https://youtu.be/YWJJFf5_-_0]