Бананлар — «фойда» билан «ширин маза» бўлган маҳсулотдир. Унинг таркибидаги витамин ва бошқа моддалар бизнинг организмимизни ҳар томондан ўраб туради.
Қуйида унинг кўзга ташланмайдиган фойдали хусусиятлари билан
танишамиз. Бироқ бу барча бананларни ҳам ейиш мумкин, дегани эмас.
Онкологик касалликлардан профилактика Бананда онкологик касалликларни (ўсимта некрози омили) олдини олишга ёрдам берувчи муайян оқсил мавжуд. Бу модданинг миқдори етилган меваларда анча юқори бўлади. Шу сабабли қора доғлар билан қопланган ёки қорайган бананларни истеъмол қилиш тавсия этилади.
Томир тортиши билан курашМинераллар етишмовчилиги — мушаклардаги томир тортишишининг асосий сабабидир. Банан каби калий ва магнийга бой егуликни истеъмол қилиш мушак спазмларини бартараф қилади. Шу сабабли кўплаб спортчилар уни ўз таомлари рўйхатига киритишади.
Буйрак касалликларини олдини олишТаркибида етарли миқдорда калий бўлган егулик буйракда тош йиғилишининг олдини олади. Тадқиқотларга мувофиқ, бананни доимий таомлар рўйхатига киритиш буйракдаги хавфли ўсмалар пайдо бўлиш эҳтимолини ҳам 40 фоизга қисқартиради.
Мустаҳкам юракЕтарлича калийга эга маҳсулот қон босими ошиб турадиган ва юрак-қон томир касалликларидан азият чекувчи инсонларга тавсия қилинади. Ҳар куни 1,3 граммдан бу минерал тановул қилинса, юрак билан боғлиқ хасталикларни 26 фоизга қисқартиради. Бу ўринда эса кунига 2-3 дона банан ейиш фойдали.
Тоза қон томирларТомирлар ўтказувчанлигининг ёмонлашувига атеросклероз келтириб чиқарувчи холестерин сабаб бўлади. Бананларда томирлар тизимининг саломатлигини сақлайдиган фитостероллар мавжуд.
Соғлом ошқозонБананлар ошқозон яраси мавжуд бўлган кишиларга тавсия қилинади. Бу мевалар ошқозон деворини ҳимоя қилувчи шилимшиқ секрециясини ишлаб чиқаришга ёрдам берувчи махсус ферментга эга.
Энергия манбаиВитаминлар ва минераллар кўплиги бананларни ажойиб энергия манбаи эканлигини тасдиқлайди. Оддий углеводлар тезда ҳазм бўлади ва деярли бир зумда зарур ҳолларда энергия ресурслари тақчиллигини тўлдиради.
Яхши кайфиятБананларда бахт гармони (дофамин), шунингдек, асаб тизимига ижобий таъсир кўрсатувчи В гуруҳидаги витаминларга бой. Бу эса асаблар таранглашиб, кайфият бузилганда кўпроқ банан ейиш кераклигини англатади.
Диабетга ёрдамБу тропик меваларда 2 тоифали қанд диабети билан оғринган беморлар аҳволини яхшилайдиган ўзгача крахмал тури мавжуд. Бироқ бу модда кўпроқ яшил бананларда учрайди. Таққослаш учун, яшил мевада ўртача ҳажмда — 12,5 грамм, етилиб пишганда эса 5 грамм крахмал мавжуд.
Келишган қадди-қоматКрахмал ортиқча ҳажм ва ёғли қатламлар шаклланишининг олдини олади. Бу ҳолатда тавсия этилувчи мева миқдори — 10 грамм. Албатта, бананлар ейишдан ташқари, соғлом турмуш тарзига риоя қилиш ҳамда озиқланиш одатларини назорат қилиш талаб этилади.