Бугун, 25 январь куни Ўзбекистон футбол федерациясининг навбатдан ташқари ҳисобот-сайлов конференцияси бўлиб ўтиши ҳақида хабар берган эдик.«Xabar.uz» ахборот-таҳлилий порталининг хабар беришича, Ўзбекистон футбол ассоциацияси президенти Очилбой Раматов нохолис ҳакамлик ва келишилган ўйинлар муаммоси ҳақида кескин фикр билдирган.
— Ўзбекистон футболида нохолис ўйинлар кўпайиб кетган. Ҳакамлар йўқ жойдан пенальти белгилаб беради ёки ўйиндан ташқари ҳолатни ўйлаб топади. Бунақа ҳолатларни ўзим ҳам кўп кўрганман. Мана, уч йил олдин «Пахтакор» ва «Металлург» ўйини бўлиб ўтган эди. Бу ўзбек футболи учун ҳақиқий майнавозчилик. Бундан кейин бунақа ҳолатга йўл қўймаймиз.
Мухбиримизнинг хабарига кўра, Очилбой Раматов футбол борасида Ўзбекистон Президенти билан суҳбатда бўлган ва жиддий топшириқ олган. «Ўзбек футболини ё бор, ё бутунлай йўқ қиламиз», деган Раматов ўз маърузасида.