Актриса Регина Симонс Стивен Сигал устидан полицияга шикоят аризаси билан мурожаат этган. Мурожаатида у америкалик продюсер ва актёр билан «Ўта хавфли» деб номланган фильмни суратга олиш жараёнида танишганини баён қилган.— Мен ўшанда 18 ёшда эдим. Фильмнинг оммавий саҳналарда суратга тушгандим, — дейилади Симонс хонимнинг аризасида. — Стивен Сигал фильм суратга олиб бўлингач, мени ўз уйига бу ишни нишонлаш учун таклиф қилди. Бордим. Афсуски, у мени алдаган экан. Мен бу нишонлаш маросимида ягона меҳмон эканимни ичкарига киргандан кейин билдим. Худди шу кеча у менинг номусимни поймол қилди…
Симонсдан ташқари модел Фавиола Дадис ҳам Стивен Сигални номусига текканликда айблади. Бу ишни у 2002 йили амалга оширган экан. Аммо актёрнинг ўзи бу айбловларга нисбатан ҳеч қандай фикр билдиргани йўқ.