АҚШнинг Питтсбург шаҳрида содир бўлган отишма чоғида оғир жароҳат олган россиялик фуқаронинг беваси унинг тана аъзоларини ҳаёт билан курашаётган бошқа инсонларга беришга қарор қилди. “Мен турмуш ўртоғим, ҳатто хозир, вафот этганидан кейин ҳам инсонларга ёрдам бераётганидан ғурурланаман” дейди аёл.
35 ёшли Антон Кемаев АҚШнинг Питтсбург шаҳрида дўсти билан машинада кетаётган пайтда ташқаридан унинг бош соҳасига ўқ келиб теккан ва дарҳол шифохонага етказилган. Орадан ҳеч қанча вақт ўтмай бу ерга унинг рафиқаси Ольга етиб келган.
Шифокорлар томонидан барча керакли чоралар қўлланилганига қарамай, эркак вафот этди, рафиқаси эса унинг тана аъзоларини 4 нафар инсонга донор сифатида беришга қарор қилди.
“У АҚШга келиб, бу ерни кўришни орзу қиларди. Антон Чикаго ва АҚШ пойтахти Вашингтонни кўрди, Аляска ва Лас-Вегасга боришни режалаштирганди” дейди марҳумнинг дўсти Владимир.