АҚШнинг амалдаги президенти Дональд Трампнинг катта қизи Иванка Трамп АҚШ тарихидаги биринчи аёл президент бўлиш учун тайёргарлик кўрмоқда. Бу ҳақида журналист Майкл Вулфф муаллифлигидаги “Аланга ва ғазаб: Трампнинг Оқ уйида” номли китобида турли маълумотларни келтирган.АҚШ президентининг қизи отасидан сўнг президентлик курсисини эгаллаш ниятида. Китобда Иванка ва унинг эри Жаред Кушнер ўз мақсадларига етишиш учун президентлик маъмурияти таркибига кириб олганликлари ҳақида сўз боради. Улар Америка тарихдаги илк аёл президент Хиллари Клинтон эмас, Иванка Трамп бўлишини режалаштиришган, дейилади хабарда.
“Жуфтлик келгусида имконият пайдо бўлса, унинг (Иванканинг) президентлик учун сайловларда қатнашишига келишиб олишган” дейди китоб муаллифи.
Китоб 9 январь куни сотувга чиқарилади.
Бироқ Оқ уй ундаги маълумотларнинг ёлғон эканлигини таъкидламоқда.