Голф бўйича кичик мусобақа ўтказилди ва ғолиб йигит катта пул маблағига эга бўлди. Ғалаба ва қўлга киритган пулдан масрур ҳолда ғолиб уйга қайтаркан йўлда бир бечораҳол аёлни учратиб қолди. Аёл ғолиб йигитга ногирон касал фарзанди борлигини ва уни даволатиш учун унга катта миқдорда пул кераклигини айтиб йиғларди. Йигитнинг унга раҳми келиб қўлга киритган барча пулларини шунчаки бериб юборди.
Эртасига голф клубда дўстлари билан учрашган йигит кечаги воқеани сўзлаб берди. Дўстлари ачиниш ва надомат билан уни тинглаб у учратган аёл ғирт фирибгар эканлигини айтишди.
- Узр, дўстим хафа бўлмагину лекин у ёлғончи аёл, у сени пулларингни қўлга киритиш учун бу эртакни тўқиб чиққан.
- Демак, ҳеч қандай касал бола йўқ эканда? – деди ғолиб йигит.
- Йўқ, афсус бу ҳаммаси ёлғон. – деди унинг дўсти.
- Хайрият, - деди йигит ўзини босиб,- бу ҳафтада мен эшитган энг яхши хабар бўлди.