“Олмалиқ” бош мураббийи Виктор Кумиков kbpravda.ru сайтига интервью берди.Қуйида ушбу интервьюдан парча ўқишингиз мумкин:
- “Олмалиқ”да деярли барча шароитлар яратилган. Шуғулланиш учун қулайликлар муҳайё. Биз кучли учликка киришимиз қийин. Сабаби, “Локомотив”, “Пахтакор”, “Насаф”, “Бунёдкор” каби етакчилар бор. Уларга қарши рақобат қилиш қийин. Клуб раҳбарлари бизга совринли ўринларга кириш вазифасини қўймаган. Аммо биз мураббийлар штаби ўзимиз учун кучли учликни мақсад қилганмиз.
Бизда футболчилар катта маош олмайди. Энг кўп ойлик оладиган ўйинчи уч минг доллар ишлаб топади.
Мен клубга келганимда барчасини нолдан бошладим. Жамоани бошқатдан туздим. Селекция ишларини олиб бордим. Жамоанинг ўртача ёши 22-23 ни ташкил қилади. Таркибдаги бир нечта футболчилар миллий терма жамоа “эшигини қоқмоқда”, - дейди Кумиков.