АҚШда истиқомат қилувчи 7 ёшли Лиа Роуз ва Ава Марилар дунёнинг энг чиройли эгизаклари дея эътироф этилмоқда. Қизалоқларнинг онаси Жеки 2017 йилнинг июль ойидан бошлаб эгизаклари ҳақида ижтимоий тармоқ саҳифасини юритиб келади. Айнан шу пайтдан бери қизалоқлар моделлик агентликлари ва шоурумлар томонидан ҳамкорлик бўйича кўплаб таклифларни қабул қилмоқдалар.
Инстаграм ижтимоий тармоғида пайдо бўлган саҳифа қизалоқлар ҳаётини бошдан оёқ ўзгартириб юборди. Эндиликда уларнинг кундалик ҳаёти ҳам суратга олиш жараёнлари билан тўлиб тошган.
“Бу йили барчаси бошқача бўлди. Қизлар кескин равишда ўзгаришди, ўз феъл-атворларини намоён этдилар. Энди улар диққат марказида бўлиш учун ҳаракат қиишади” дейди қизалоқларнинг онаси Жеки.
Хабарда айтилишича, эгизакларнинг саҳифасига 140 мингта одам аъзо бўлган.