Жанубий Кореянинг йирик компанияларидан бири — Lotte Group асосчиси Син Гёкхо 4 йил қамоқ жазосига ҳукм қилинди. Бу ҳақда «Интерфакс»га таяниб «Дарё» хабар бермоқда. Ақлий заифликка мубтало бўлган 95 ёшли Гёкхо ва унинг 3 нафар фарзандига нисбатан ўтган йили солиқлардан бўйин товлаш ва фирибгарликда айблов эълон қилинганди.
Терговга кўра, Lotte Group асосчиси компания ҳисоб рақамларидан камида 128,6 миллиард вонани (119 миллион доллар) яқинларига ўтказиб берган. Суд апелляция кўриб чиқилгунга қадар уни саломатлиги сабаб очиқликда қолдиришга қарор қилди.
Гёкхонинг ўғли Донбин 20 ойдан иборат шартли жазо олди. Қизи Син Юн-Я икки йил қамоқ жазосига ҳукм қилинди, катта ўғли эса айбсиз деб топилди.