АҚШ президенти Дональд Трамп ҳамюртларига Ироқ ва Сурияда тор-мор қилинган ИШИД террорчилари АҚШ ҳудудига кира олмасликларига ваъда берди, деб ёзади Кун.уз нашри.“Биз АҚШнинг бутун ҳарбий қудратини ИШИДга ёғдирдик ва бу гуруҳ билан кураш олиб бораётган коалиция кучлари террорчилар Ироқ ва Сурияда босиб олган ҳудуднинг деярли 100 фоизини озод қилдилар. Биз бу ҳудудларни 100 фоиз озод қилишга яқин турибмиз”, деб айтган Трамп 20 декабрда Оқ уйдаги йиғилишда.
“Биз яқинда бу икки давлатда ИШИДни буткул йўқ қиламиз. Инонинг, биз жангариларнинг АҚШга тушиши мушкул бўлиши учун барча сайъ-ҳаракатларни амалга оширмоқдамиз”, деб таъкидлаб ўтган Трамп. У АҚШ миллий хавфсизлик вазирлиги ва ҳарбийлар бунинг учун барча ишни қилаётганларини қўшимча қилган.