6 ёшли россиялик модель Анастасия Князева хорижий ОАВнинг асосий қаҳрамонига айланиб улгурди десак хато бўлмайди. Хабарда айтилишича, қизалоқнинг Интаграмдаги шахсий саҳифасига ярим миллион одам аъзо бўлган.
Интернет фойдаланувчилари қизнинг ташқи кўринишини қўғирчоқлар ҳуснига қиёслашмоқда. Ҳаммасидан ҳам кўра кўпроқ, Настянинг мовийранг кўзлари эътиборни ўзига жалб этади.
Унинг интернетдаги саҳифаси айни пайтда онаси томонидан бошқарилади. Аёл қизининг кундалик ҳаётидан олинган фото ва видео лавҳаларни интернетга жойлаштириб боради.
Модель 6 ёшлик пайтида дунёдаги энг чиройли қизалоғи номига сазовор бўлган Тилан Блондога ҳам таққосланмоқда.
Фойдаланувчилар орасида Настяни дунёдаги энг чиройли қизалоқ эканлигига ишонч ҳосил қилганлар талайгина.