Ўзбекистон Республикаси Президенти Шавкат Мирзиёев Тошкент шаҳрининг Яшнобод туманидаги “Ватандош” маҳалла фуқаролар йиғинига ташриф буюрди.Ташриф чоғида тегишли вазирлик ва идоралар раҳбарлари, Тошкент шаҳар туманлари ҳокимлари ва фаоллари билан учрашди. Бу ҳақда Qalampir.uz хабар берди.
Шавкат Мирзиёев мазкур маҳаллада жойлашган қишлоқ хўжалиги маҳсулотлари дўконига кириб, аҳоли эҳтиёжлари учун зарур маҳсулотлар тури ва нархлари билан қизиққан.
Бундан ташқари, маҳаллада “Очиқ мулоқот” ташкил этилиб, ушбу учрашувда коммунал хизмат, йўл-транспорт, таълим, тиббиёт, фан-техника соҳаларида амалга оширилаётган ишлар ва ечимини кутаётган долзарб масалалар хусусида фикр юритилди.