19 сентябрь, сешанба куни «миналаштирганлик» ҳақидаги аноним қўнғироқдан сўнг Россиянинг 14 та шаҳрида 100 мингга яқин одам эвакуация қилинди. Бу ҳақда «РИА Новости»га таяниб «Дарё» хабар бермоқда.Эвакуация 152 та объектни ўз ичига олганлиги таъкидланмоқда. Таҳдидлар ҳақидаги маълумот Москва, Салехард, Ростов-Дон, Волгоград, Екатеринбург, Астрахан, Воронеж ва бошқа бир қатор шаҳарлардан келиб тушган.
Бомбалар қўйилганлиги ҳақидаги аноним қўнғироқлардан сўнг саккизта пойтахт бошқармаларидан одамлар эвакуация қилинган. Марказий болалар дўкони ва «Гагаринский» савдо-кўнгилочар марказида ҳам эвакуация ўтказилган. Сешанба кечқурун «Китай-город» метро станцияси ёпилган.