Ижтимоий тармоқларда 23 август куни соат 11:00 да Халқаро пресс клубнинг Халқ таълими вазирлиги вакиллари иштирокида бўлиб ўтадиган сессияси жонли эфирда узатилмаслиги мумкинлиги ҳақида хабарлар пайдо бўлган эди. Ва бу ўз тасдиғини топиб, ушбу санадан сўнг Халқаро пресс клуб жонли эфирга чиқмади. Ушбу ҳолат юзасидан турли изоҳлар берилиб, сентябрь ойидан жонли эфирга чиқиш қайта тикланиши айтилди, деб ёзади Qalampir нашри.Эртага, 15 сентябрь куни соат 11:00 да Халқаро пресс клубнинг навбатдаги сессияси ташкил этилади. Энг қизиғи, ушбу сессия тўғридан-тўғри эфирга узатилиши кутилмоқда.
15 сентябрда ташкил этилиши режалаштирилган Пресс клуб сессиясида модератор сифатида Шерзод Қудратхўжаевнинг иштирок этиши кутилмоқда. Бу ҳақда таҳририятимизга яқин манбаа хабар берди.
Эртанги сессия “Бизнес омбудсман” фаолияти бўйича бўлиши ҳамда унда спикерлар сифатида Савдо саноат палатаси раиси Адҳам Икрамов, Адлия вазирлиги раҳбарияти ва Ўзбекистоннинг таниқли тадбиркорлари иштирок этиши мумкинлиги айтилди.