Coca-Cola компаниясига АҚШ ички киримлар хизмати томонидан шикоят хати йўлланди. Унда компания томонидан 3,3 млрд доллар миқдоридаги солиқ тўланмай қолгани ҳақида айтилган. Бу ҳақда Bloomberg нашри хабар ёзган.Хабарда айтилишича, Coca-Cola компаниясининг 2007-2009 йиллардаги фаолияти текширилганда шундай ҳолат аниқланган.
Ҳозирча компанияга нисбатан жарима қўллангани борасида маълумот йўқ.
Ўз навбатида Coca-Cola судда ўзининг айбсизлигини исботлаб бермоқчи.
Бироз олдинроқ, АҚШдаги Coca-Cola Enterprises, Испаниядаги Coca-Cola Iberian Partners, Германиядаги Coca-Cola Erfrischungsgetranke бирлашиши ҳақида хабар қилинганди. Бу ҳақда Coca-Cola Company хабар қилган.
Янги холдинг Coca-Cola European Partners номини олиши ва Европадаги энг йирик ичимликлар ишлаб чиқарувчига айланиши айтилган.