Тошкент шаҳар ИИББ ППХ, ЖТСБ ППХ бригадаси ва Қўриқлаш бошқармаси ходимлари пойтахт ҳудудида нишонланиши режалаштирилаётган “Ўзбекистон Республикаси Мустақиллигининг 26 йиллиги”, “Қурбон хайити”, “Билимлар куни” байрамларига тайёргарликни юқори савияда олиб бораётгани ҳақида Тошкент шаҳар ИИББ матбуот хизмати хабар бермоқда.Шаҳар кўчалари, ҳиёбон ва одамлар гавжум бўлган бозорлар, дам олиш масканлари, таълим муассасалари — хавфсизликни таъминлаш мақсадида ИИББ ходимлари томонидан назорат қилинмоқда.
Маълумот учун, ИИББ томонидан шаҳардаги турар ва нотурар жой объектларига 48 минг видео кузатув камералари ва 9 минг қўриқлаш техника воситалари ўрнатилган. Ушбу тадбирларни беталофат ўтказишга шай турган ёнғин хавфсизлиги ходимларининг хизматларини ҳам алоҳида эътироф этиш зарур.
Кучайтирилган тартибда жамоат тартиби ва хавфсизлигини кеча-ю кундуз ўз назоратларида ушлаб турган ходимларга таҳририятимиз томонидан миннатдорлик изҳор қиламиз.
Манба: qalampir.uz