Германиянинг Ҳамбург шаҳрида ўтаётган бокс бўйича жаҳон чемпионати чорак финал ўйинлари бугун бўлиб ўтади. 10 та вазн тоифасида бўладиган мусобақаларда 80 нафар иштирокчи ярим финалга чиқиш учун рингга кўтарилишади.Ҳозирча мусбоқани давом эттириётган боксчилар ичида Ўзбекистон вакиллари энг кўп бўлиб турибди — 9 киши.
Кубадан 8 нафар, Қозоғистондан 7 нафар, мезбон Германиядан 6 нафар боксчи чорак финалга йўл олишган.
Колумбияда 5, АҚШ, Англия, Россия ва Мўғулистондан келган боксчилар — 4 нафардан, Ҳиндистон шарафини 3 нафар боксчи ҳимоя қилмоқда.
Австралия, Венесуэла, Доминикан Республикаси, Озарбойжон, Украина, Франция каби давлатлар вакиллари 2 нафардан қолишган.
Арманистон, Беларусь, Гуржистон, Жанубий Корея, Ирландия, Испания, Италия, Камерун, Миср, Нидерландия, Тожикистон, Тунис, Хитой, Эквадор ва Янги Зеландия ягона боксчи билан курашни давом эттиришмоқда.
Бугун чорак финал жангларида қатнашадиган тўққиз нафар боксчимиз Тошкент вақти билан қуйидаги соатларда рингга кўтарилишади:
49 кг. Чорак финал. 29 август, 18:15
Ҳасанбой Дўсматов (Ўзбекистон) - Амит (Ҳиндистон)
64 кг. Чорак финал. 29 август, 19:15
Иқболжон Холдоров (Ўзбекистон) - Артём Ҳаритюнян (Германия)
75 кг. Чорак финал. 29 август, 19:45
Исроил Мадримов (Ўзбекистон) - Трой Исли (АҚШ)
91 кг. Чорак финал. 29 август, 20:15
Санжар Турсунов (Ўзбекистон) – Рой Корвинг (Нидерландия)
52 кг. Чорак финал. 29 август. 22:15
Жасурбек Латипов (Ўзбекистон) - Сейбер Авила (Колумбия)
60 кг. Чорак финал. 29 август. 22:45
Элнур Абдураимов (Ўзбекистон) - Отар Эраносян (Гуржистон)
69 кг. Чорак финал. 29 август. 23:00
Шаҳрам Ғиёсов (Ўзбекистон) - Пэт МакКормак (Англия)
81 кг. Чорак финал. 29 август. 23:30
Бектемир Мелиқўзиев (Ўзбекистон) - Ерик Алжанов (Қозоғистон)
91+ кг. Чорак финал. 29 август. 23:55
Баҳодир Жалолов (Ўзбекистон) – Қамчибек Қўнқабоев (Қозоғистон)
Манба: Kun.uz