Таниқли AnTuTu бенчмарки мутахассислари июл ойида бенчмаркда синовдан ўтказилган энг кучли платформага эга смартфонларнинг янги рейтингини эълон қилди. Айтиш жоизки, рейтингга киритилган 10 та "ақлли телефон"дан 7 таси Qualcomm Snapdragon 835 процессорида ишлайди. Юқорида кўриб турганингиздек, OnePlus 5 флагмани 181614 балл билан 1-ўринда турибди. Ундан кейинда Nubia Z17 смартфони 179081 очко билан 2-ўринни эгаллаган. Кучли учликни имтиҳонда 175987 балл олган HTC U11 якунлаб берган.
Ниҳоят, кейинги ўрин жаҳоннинг энг яхши сотилаётган андроид смартфони бўлган Samsung Galaxy S8+ (171101) смартфонига насиб қилган. "5"ликда Xiaomi Mi6 (170009) флагманини кўриш мумкин.
Ундан кейинги ўринларни: iPhone 7 Plus (166232), Xperia XZ Premium (165631), Galaxy S8 (160313) банд қилган.
Платформа самарадорлиги бўйича кучли "10"таликни Snapdragon 821 чипига эга OnePlus 3T (158042) ҳамда 156702 балл олган iPhone 7 якунлаган.
Манба: Terabayt.uz