Тайванлик гаджетлар ишлаб чиқарувчиси ASUS бренди Zenfone 4 смартфонлари туркумини ASUS Zenfone 4 Pro флагмани билан бойитди.ASUS Zenfone 4 Pro 5.5 дюймли FHD, Super AMOLED матрицали экранга эга бўлган. Девайсда Qualcomm'нинг 64 битли ҳамда 8 ядроли инновацион Snapdragon 835 процессори ўрнатилгани, шунингдек график-тасвирни Adreno 540 видео-картаси қайта ишлаши унинг ўзига хос жиҳатлари сирасига киради.
ASUS Zenfone 4 Pro 6 гигабайтгача тезкор, шунингдек 128 гигабайтгача сиғимли доимий хотирага, 3,600 мА соат сиғимли батареяга эга бўлади.
Янги смартфоннинг бош камераси учун 12 МП + 16 МП сенсорлар танланган. Уларнинг оптик линза ҳажми f/1.7 га тенг. Камерада оптик барқарорлаштириш, оптик яқинлаштириш функциялари мавжуд. Селфилар учун эса 8 мегапикселли камера масъул.
Яна бир ўзига хос жиҳати -- ASUS Zenfone 4 Pro Android 7.1.1 Nougat операцион тизимининг ўзлаштирилган ZenUI 4.0 талқинида ишлайди.
ASUS Zenfone 4 Pro алоқанинг WiFi, 3G, LTE, Bluetooth, GPS, A GPS, GLONASS тармоқларини қўллаб-қувватлайди.
Гаджет сентябрдан 599 АҚШ доллари баҳосида сотувга чиқарилади.
Шунингдек, компания ZenFone 4 смартфонини ҳам тақдим қилган. ZenFone 4 ҳам 5,5 дюймли Full HD (1920 х 1080 пикселли) дисплейга эга бўлган. Фақат бу смартфонда IPS+ матрицаси татбиқ қилинган.
ZenFone 4 қўш камерали бўлиб, бош камера 12 мегапикселли Sony IMX362 ҳамда 8 мегапикселли кенг бурчак остида сурат олувчи ёрдамчи сенсорга эга бўлган. Олд камерага 8 мегапикселли сенсор танланган.
Аппарат таъминоти учун талқинига кўра Qualcomm Snapdragon 660 ёки Snapdragon 630 чиплари, шунингдек 6 ГБ ёки 4 ГБ сиғимли тезкор хотира ўрнатилган.
ZenFone 4 аккумуляторининг сиғими 3300 мА соат. Смартфон алоқанинг 4G LTE Cat 12, Wi-Fi (802.11ac), NFC стандартларини қўллаб-қувватлайди.
Смартфон $399 доллардан сотувга чиқарилади.
Манба: Terabayt.uz