Нью-Йоркда 3 август куни АҚШга ўз қариндошларини кўргани борган ўзбекистонлик эркак бедарак йўқолди, деб ёзади «1news.uz».1958 йилда туғилган Аҳмедов Собиржон Огайо штатида истиқомат қиладиган қариндошлариникига бориш учун Тошкентдан Нью-Йоркка учган. Аҳмедовнинг қизи илтимоси билан аэрпортда уни таксичи кутиб олиб, Чайна-Таундаги автобус бекатига олиб борган, у ердан эркак автобусда Огайо штатига етиб олиши керак эди, деб ёзади Daryo.uz.
Аҳмедов бекатда чипта сотиб олгач, таксичи кетган, у эса бекатда Огайога отланган яна бир ўзбекистонлик билан бирга қолган. Аммо бироз вақтдан сўнг Аҳмедов Собир айланиб келиш учун автобус бекатидан Канал-стритга қараб йўл олган ва қайтиб келмаган.
Бу ҳақда Огайога отланган ўзбекистонлик эркак хабар берган.
Forum Daily маълумотларига кўра, Аҳмедов Собир Нью-Йоркда расман қидирувга берилган, полиция уни қидиришда давом этмоқда.
Яқинда ўзбекистонликлардан иборат бир гуруҳ кўнгиллилар Аҳмедов йўқолган жойни яхшироқ ўрганиш мақсадида Чайна-Таунга борди; улар шунингдек унинг йўқолгани ҳақидаги эълонларни осиб чиқди.