Биткоин хитойлик майнерлар гуруҳининг аралашувидан сўнг иккита криптовалютага ажралиб кетди. Бу ҳақда Kun.uz хабар бермоқда.Маълум бўлишича, биткоиннинг иккита криптовалютага (Bitcon Cash ва оддий Bitcon’га) ажралишига хитойлик майнерларнинг (криптовалюта олувчилар) ҳаракатлари сабаб бўлган. Улар дастлабки биткоин ишидаги янги протоколга норозилик билдиришди.
Мутахассисларнинг кутишича, криптовалютанинг янги протоколи татбиқ этилиши туфайли унинг тармоғи иши ва амалиётлар тезлиги янада ошади.
Биткоиннинг ажралишидан сўнг Bitcon Cash бирлиги қиймати 146,37 долларни ташкил этган бўлса, Bitcoin 4,6 фоизга тушиб кетиб, 2,729 долларга тенг бўлди.
Аввалроқ Goldman Sachs Биткоин 4000 долларгача қимматлашишини башорат қилганди.