Шу ҳақда Бирлашган миллатлар ташкилотининг Римдаги қишлоқ хўжалиги ва озиқ-овқат ташкилоти штаб-квартирасидагилар расман маълум қилишди. Шимолий Кореяда 2017 йили ёмғирлар мавсуми деярли бўлмагани сабабли қишлоқ хўжалик маҳсулотлари, жумладан, гуруч, буғдой, картошка, маккажўхори ҳосили 30 фоизга камайиб кетди. Бу мамлакат бўйича озиқ-овқат танқислигини келтириб чиқарди.
Энди аҳолини тўлиқ озиқ-овқат маҳсулотлари билан таъминлаш учун хориж давлатларига мурожаат этиш зарур бўлади. Ачинарлиси, қурғоқчилик давом этмоқда. Демак, озиқ-овқат танқислиги янада кўпроқ фоизга ўсиши эҳтимолдан холи эмас.