2015 йил 10 август куни Тошкент вақти билан соат 15:05 да эпицентри Тошкентдан 560 километр жанубда — Афғонистон ҳудудида бўлган 6 магнитудали зилзила қайд этилди. Бу ҳақда «Тошкент» марказий сейсмостанциясига асосланиб «Дарё» маълум қилди.
Зилзила таъсири Ўзбекистон ҳудудида ҳам сезилган: Тошкентда 2 балл, Андижонда 2 балл, Фарғонада 2 балл, Шоҳимардонда 3 балл, Самарқандда 2 балл ва Термизда 3—3,5 балл. Ўзбекистоннинг бошқа шаҳарларида ер силкиниши таъсири билингани ҳақида маълумот йўқ.