2017-2018 ўқув йилида Сирдарё вилоятидаги 56 та мактабда тажриба-синов тарикасида 10-11-синфларни очиш режалаштирилган. Бу ҳақда вилоят халқ таълими бошқармаси бошлиғи Абдушокир Абдураҳмонов маълум қилди.Рўйхатга киритилган таълим мактабларини белгилашда марказдан узоқ ҳудуддаги муассасаларга ҳамда рейтинги баланд бўлган, ўқитиш сифати кафолатланган мактаблар, шунингдек, вилоятдаги барча 8 та фанларга ихтисослашган мактабларда 10-синфни очиш максадга мувофиқ, деб топилди. Қолган барча 240 та мактаб битирувлари бу йил ўқишларини коллеж ва лицейларда давом эттирадилар.
Абдураҳмоновнинг сўзларига кўра, шу мактаб битирувчиси коллеж ёки лицейда ҳам ўқишни давом эттириши мумкин. Бошқа мактаб ўқувчиларининг 10-синфни давом эттиришлари учун ҳужжат топширишларига йўл қўйилмайди.
Таълимни мактабда давом эттиришни ташкил этиш кўплаб тайёргарликни талаб этадиган жараён. Аввало, дарсликлар чоп этиш, янги ўқув дастурлари тузиш, ўқитувчиларни тайёрлаш, синфхоналар билан таъминлаш ва ҳоказолар. Бу чора-тадбирлар тажриба-синов, агар, у ўзини оқласа ва зарур тайёргарлик таъминланса, келгуси ўқув йилларида 11 йиллик мактаблар сони кўпаяди.