Google компанияси томонидан ишлаб чиқилган автоматик бошқариладиган машина прототипи биринчи марта йўл-транспорт ҳодисасига учради. Бу ҳақда Associated Press агентлигига таяниб Kun.uz хабар бермоқда.
Воқеа Калифорниянинг Маунтин-Вью шаҳрида жойлашди. Компания штаб-квартираси шу шаҳарда жойлашган. 1 июль куни автоматик бошқарувга эга Lexus машинаси ҳалокатга учради. Унинг ичида бўлган Google’нинг уч ходими шифокорларга мурожаат қилди. Тўқнашувда қолган иккинчи машина ҳайдовчиси ҳам жароҳат олди. Компания маълумотларига қараганда, бу 6 йил ва 3 млн км босиб ўтилган умумий йўл давомида содир бўлган 14-ЙТҲдир.
Айни пайтда шаҳар кўчаларида 20та шундай автомобиль юрибди. Улар машиналар оқими ичида манёвр қилиш ишланмаларида қатнашмоқда.